اصدقائى

خطرت ببالى هذه الفكره واردت ان نناقشها معا

هل ممكن تروح تتقدم لفتاه لخطبتها وتقول لوالدها : انا اسف مش هقد اجيب لبنتك
شبكه بس كل ما استطيع ان اقدمه لها دبله او خاتم بسيط للزواج؟


وانتى عزيزتى هل تقبلين بمثل هذا الخطيب الذى لن يستطيع ان يقدم لكى سوى خاتم للزواج؟


سؤال تانى ممكن تقول لوالدها ياعمى انا ممكن اجيب لبنتك شبكه فضه؟


وانتى ممكن تقبلى ان شبكتك تكون فضه؟

فى انتظار مشاركتكم

دومتم بألف خير

شوفي انا ما يهمني ان شاء الله لو جبلي خاتم نوعه تنك!!! مش هو هيسير حبيبي وهكون شريكه حياته ولازم اساعده مش ازيد الطين بله!!! وبعدين لو وضعه مش منيح حاليا ممكن يسير بالمستقبل منيييييييييح جدااااااااااا واحسن من اول ويجبلي بدل الخاتم عشره...

اما بالنسبه للفضه مالها الفضه اصلا انا بحب الفضه اكتر من الذهب :) مفيش مشكله انا راضيه عالفضه :)


مشكوووووووووووووووووووووووووره يا ريم على طرحك للموضوع الجميل يا جميله

ممم انا بأيد رأي fatm!h لان لازم عشان يتقدم و يخطب وحده يكوون جاهز من كل النوااحي

الجواز مش لعب دا بعدين حيفتح بيت و يكون عنده زوجه و عيال يعني اذا دلوقتي مقدرش يجيب الشبكه حيقدر يجيب ايه بعد كده

صح انه بعدين ممكن يقدر يحسن وضعه بس محدش ضاامن ممكن ينحج ولاا ممكن يفشل ,, يعني هوا المفروض يحسن من وضعه و بعدين يتقدم و محدش حيرفضه

و كل حاجه قسمه و نصيب

و تسلمي يا رييم على الطرح الجميل ده .. و عاايزين نشووف رأيك ياا قمر =)

سلاامـي

بصراحة انا عن نفسي مش هروح أتقدم او افكر في خطوبه غير لما اجيب لخطيبتي شبكة ومش أي شبكة تكون حاجة تليق بيها لأنها هتبقي أجمل بنت في الدنيا

موضوع الشبكة والخاتم الواحد او الذهب او الفضه او او او

بيتجه إتجاهيين هو موافقة أهل العروسه

دي اول ناحية تاني ناحية موافقة العروسه نفسها لو هيا عندها استعداد تساعد عريسها على النهوض بمستواااهم وصدقووني شباب كتير محتاج الدفعه دي

انه يحب ويتحب ويلاقي حاجة تشجعه على إستكمال طريقه دي انا بشكل خاص شايفها في ناس كتير

عموماً انا عن نفسي

لو معايا اجيب خاتم او حتى شبكه كامله ومش معايا اعيش البنت اللي هخطبها في مستوى مش كويس او بدون استقرار

مش هتعب نفسي واتقدم حتى لو هيا هتضيع مني

فلازم آضمن لنفسي الأول مستوى كويس قبل الشبكة والرفايع دي

وربنا يقدم اللي فيه الخير لينا جميعاً

تسلمي عالطرح يا ريموو يا عسله

ميرسى جدا على مشاركتم باالا راء دى

انا عن نفسى لو الشخص ده بحبه هوافق وهقف جمبه وهاسعده
وهدفعه دايما للامام ضغوط الحياه صعبه وايد على ايد رحمه
وفى الاول والاخر اهلى عايزينى اكون سعيده
هنتعب شويه فى الاول
بس ربنا سبحانه وتعالى قال((خذوهم فقراء يغنيكم الله من فضله))
والله حتى الشبكه الفضه هوفرها عليه واقوله فداك الدهب والفضه ياحبيبي

يسلمووووووووووووووالجميع
نورتو صفحتى المتواضعه