الخاطره دي انا بعتز بيها جدا لأنها لفت معايا كتير اوي
ويارب تعجبكم
وماتت جومانة
واللي مايعرف جومانة
راح اعرفه
جومانة بنت بلدي
بنت التمن شهور
اللي عانت من الغرور
من اهمال سي الدكتور
عشان الدنانير
وايه ذنبها
اذا كان ابوها .. فقير
علي العموم
...................
اهي ماتت
وزفوها ملايكة في السما
والقلب يااااااه .....اتعمي
لما شاف بكا امها
اللي كان حلمها
تاخدها في حضنها
والعيب
العيب
في الروتين
ازاي ما اكونش حزين
بقولكم ... جومانة ماتت
قبل ما تشرب السرسوب
قبل ما تلعب بالدبدوب
قبل ما تضحك
قبل ما تبكي
كان حلم امها
صرخة منها
تجري ... تضمها
وترضعها بصدرها
تلعب معاها
تضحك معاها
لكن ..
لكن ماتت
عشان قلبها كان ضعيف
ولان الدكتور حريف
اجرة ايده عالية
عايزة ناس طايلة
يا اما اشحنوها .......
علي ابوالريش
وهناك ... صعب تعيش
هات القرار الفلاني
هات الطلب العلاني
وانا .. لا حول ولا قوة
مفيش
حتي القرش ... معييش
ارجوكوا
ارحموني وارحموها
خلاص استني الدور
ودور يا تور دور
والساقية اهي بتدور
وتفوت الشهور
وعمرها كله شهور
لكن عليا دهور
بموت
بموت انا في كل يوم
وبنتي مزروعة في غيوم
مستنية الدور
جومانة .. ماتت
وبدل ما ادور علي عريس
وليه ازفها
بادور علي قبر يضمها
وبايدي دفنتها
وحلمي.... وياها اتدفن
قلبي .......قتله الشجن
كان نفسي اشوف عريسها
واشوف عيالها ومدرستها
ياااااااااااااه
كان نفسي اخد بايدها
واضربها
وارجع احضنها
يااااااااااااااااااااه
يا حرقتي
ياااااااااااااااااااه
يا دمعتي
يا قلبي اللي بالجرح اتدبح
ااااااااااااااااااااااااااااااااااااه
حلمي ....... بقي شبح
جومانة....
جومانة....
جومانة ماتت
... شهابي ...
جومانه ماتت
العرض العادي
