انا صعبان عليا شباب اليومين دول لانهم صعب يتجوزا -
لان الشاب لو فكر فى الجواز وراح يتقدم لواحده - اهلها
هيسلخوه بالاسئلة :
1- عندك شقة
2- عندك اجهزة ( تليفزيون -غساله اتوماتيك-سخان-ثلاجة - بوتاجاز )ودى الحاجا الرئيسية بس.
3-الخطوبة على مين عليك و لا علينا ( ولو كان اهل العروسة ناس شيك هتبقى عليهم ) .
4- معاك فلوس للشبكه و تكون فى حوالى (...... ) جنيه زى بنات خلاتها و عمتها .
5- مش عاوزين فترة الخطوبة تطول شهرين تلاته و تتجوزوا و كتب الكتاب يوم الدخلة
وتكتب قائمة بكل حاجه جايباها العروسى من اتخن طبق لارفع شوكة علشان لو العريس زعلها فى يوم يروح فى الرجلين لو ضاعت الشوكة .
6- عاوزين المؤخر (........ ) ج زى بنات عمتها وخلاتها .
7 -معاك فلوس لتوضيب الشقة و السيراميك و الدهان و الكهرباء و النجف .
8- معاك فلوس للاثاث - لازم تكون اوضة النوم (.......... )ج وتكتب باسم العروسة لانها مهرها
و انت هتجيب الصالون و احنا السفرة .
9-عاوين الفرح فى القاعة الفلانية زى اقريبها و يكون الجاتوه من محل (...) ده لو مطلبش بوفيه مفتوح و تكاليف الماذون عليك و فستان فرحها عليك و الكوافير عليك .
لما يسمع العريس كل ده بياخد بعضه و يمشي هيجيب منين و معتش فيه أباء بيتساهلوا مع العريس بيعقدوه فى حياته .
بعد كل ده العريس لو اتجوز يبقى من عند ربنا و لو حصل شعره هيبيض كله من الخضة .
و العروسة بردو امها بتشيل همها من وهى لسه فى بطنها (كاسات و كبيات و اطقم حلل تيفال و اوانى بيركس و معالق مذهبة و عادية و طفم سرفيس و طفم اطباق اكلوابار و حاجات لزم نيش السفرة من كاسات اشكال والوان مذهبة وكريستال ) بالاضافة لحاجه المطبخ و الفوط و ملابس العروسة و الملايات ........
و تحويش فلوس للسفرة اللى هتجيبها فى بيتها و مصاريف حفلة الخطوبة اللى هتعملها .
علشان كده لو الاباء مش هيساعدوا ولادهم مفيش جواز هيحصل خالص - فين الشاب الوقتى اللى معاه شقة و اجهزة و اثاث فى الحياه الغاليه اللى احنا عيشنها .
و كمان نرجع نشكى و نقول ليه الشباب بيتجوزا عرفى و ليه المصايب اللى بتحصل ماهوا من اللى هما شيفينوا بس بردوا لازم العفة و الصبر ولو متجوزش فى الدنيا --------الاخرة موجودة .
انا ليه طلب من الاباء انهم يتسهلوا مه العريس اللى يجي لبتهم علشان الدنيا تمشي و بردوا ان البنات تستر دى حاجه كويسه ولا انتم رايكم ايه 
شباب غلابة 
العرض العادي
