حوار بين أم وابنها

الأم دى عندها ولدين الاول 10 سنوات والتانى سنتان
فى يوم كانوا جالسين يتفرجوا على اوبريت الضمير العربى
والولد فى منتهى التأثر من المشاهد الموجوده فى الاوبريت
فقالت الام لولدها:-ياحبيبي أنا عايزاك تدعى ربنا من دلوقتى لحد ما تكبر أنك تموت شهيد وتدخل الجنه
فقال الولد :-وازاى اموت شهيد ياماما؟؟
فقالت الام :-انك تقتل الناس الوحشين اللى بيموتوا المسلمين وتدافع عن دينك ووطنك ولو مت وانت بتعمل كده بصدق ومش خايف حتموت شهيد
فقال الولد :-ولما الرصاصه تدخل جسمى ياماما مش هتوجعنى؟؟
فقالت الام:-مش مهم المهم انها تكون فى قلبك مش فى ضهرك لان مش بيتصاب فى ظهره فى الحرب غير الجبان أما الشجاع هو اللى بيتصاب فى قلبه وميخفش وبكده يموت شهيد وظلت الام تعطيه امثله من شهداء الاسلام العظماء رضى الله عنهم
فقال الولد :- ياماما انا لما اكبر واروح الحرب علشان اموت شهيد انتى هتكونى كبرتى ومحتاجه اللى يرعاكى واخويا هيكون صغير مش هيعرف يرعاكى
خليه هو يموت شهيد وانا استنى هنا ارعاكى انتى وبابا
فقالت الام وهى فى قمة الغضب :- لا انت لازم تكون شجاع وتموت شهيد انا أزفك وأنت شهيد أحسن ما أزفك وأنت عريس
فقال الولد وهو مغلوب على أمره:- خلاص يا ماما أمرى لله سوف أذهب للحرب بس ""يارب يا ماما أرجعلك بالسلامه""